810
Қазақстанда ақысыз қан донорлығы саласында тұрақты өсім байқалады
Брифингте Қазақстанда ақысыз ерікті донорлықты дамыту мәселелеріне үлкен көңіл бөлінді.
Дүниежүзілік денсаулық сақтау ұйымының (ДДҰ) ұсынысына сәйкес, ерікті ақысыз донор «алтын стандарт» боп табылады, ал қаржылай немесе өзге де мүддесі бар донорлар әлеуетті қауіпті санатқа жатады. Ерікті донорлық - қанмен қамтамасыз етудің тұрақты және қауіпсіз базасы. Ақысыз донорлық жүйесі болмаса, әлемнің бірде-бір елі қан құюға мұқтаж науқастарды қанның қажетті көлемімен қамтамасыз ете алмайды.
ҚР ДСӘДМ Трансфузиология ғылыми-өндірістік орталығының трансфузиолог дәрігері Зәуреш Әлменова брифингте Қазақстанда соңғы жылдары ақысыз қан донорлығы саласында тұрақты өсімі байқалатынын айтты. Бір жылда республиканың қан қызметі 200 мың литр қан даярлап, 300 мыңдай донация жасайды.
Қазіргі уақытта ҚР ДСӘДМ донорлықты дамытудың ұлттық стратегиясын әзірлеуде. Ол еліміздегі ақысыз ерікті қан донорлығын халықаралық стандарттар деңгейіне жеткізуді мақсат етеді.
